Qazaqstanda epıdemıologııalyq jaǵdaı kúrt nasharlaýyna baılanysty karantın sharalary kúsheıtilýi múmkin. Bul týraly densaýlyq saqtaý mınıstri Ajar Ǵınııat málimdedi, dep habarlaıdy Egemen.kz.
«Epıdemıologııalyq ahýal kúrt nasharlaǵanyn eskere otyryp, vedomstvoaralyq komıssııanyń kezekti otyrysyna «qyzyl» aımaqtaǵy óńirlerde ujymdardy bólýge jáne ınfeksııanyń taralý qaýpin azaıtýǵa baǵyttalǵan qosymsha aldyn alý sharalary qabyldanady», dep málimdedi vedomstvo basshysy Úkimet otyrysynda.
Buǵan deıin premer-mınıstr Álıhan Smaıylov sanıtarlyq-epıdemıologııalyq talaptardyń saqtalýy boıynsha sharalardy kúsheıtýdi tapsyrǵany habarlandy. Sondaı-aq, ol densaýlyq saqtaý mınıstrligi men ákimdikterge PTR-synama sanyn arttyrýdy, jedel baqylaý júrgizýdi jáne medısına qyzmetkerleriniń daıyndyǵyn, aýrýhanadaǵy qosymsha oryndardy, dáriler men medısınalyq zattardyń jetkilikti bolýyn qamtamasyz etýdi tapsyrdy.