Qazaqstandyq Anna Danılına juptyq synda Sıdneı WTA 500 týrnıriniń shırek fınalyna shyqty, dep habarlaıdy Egemen.kz.
Qazaqstan tennıs federasııasy málim etkendeı, A.Danılına brazılııalyq Beatrıs Haddad Maııamen birge jarystyń úshinshi raketkalaryn jeńip, kútpegen nátıjege qol jetkizdi.
Qazaqstandyq-brazılııalyq jup 1 saǵat 5 mınýtqa sozylǵan básekede kanadalyq Gabrıela Dabrovskı – meksıkalyq Djýlıana Olmosty 6:4, 6:2 esebimen utty. Anna men Beatrıs jartylaı fınalǵa shyǵý úshin reseılikter Ekaterına Aleksandrova – Natela Dzalamıdzemen talasady.
Erler arasyndaǵy osy jarysta Andreı Golýbev pen horvatııalyq Franko Skýgor kort ıeleri, aýstralııalyqtar Mett Rıd – Alekseı Popyrınge 3:6, 1:6 esebimen ese jiberdi.
Taǵy bir qazaqstandyq Aleksandr Nedovesov pákstandyq Aısam Kýreshımen birge búgin jartylaı fınalǵa shyǵý úshin aýstralııalyq Djon Pırs – slovakııalyq Fılıp Polashekpen sheberlik baıqasady.