Kólik polısııasy qyzmetkerleri Almaty áýejaıynda qoǵamdyq tártipti qadaǵalaý boıynsha qosymsha sharalar qabyldady, dep habarlaıdy Egemen.kz.
Áýejaıdyń polısııa qyzmetkerleri kúsheıtilgen rejımde jumys istep jatyr. Sonyń ishinde izdeý salynǵan adamdardy anyqtaý jumystary júrgizilip jatyr.
«Avıasııalyq qaýipsizdik qyzmeti ókilderimen birlesip, metall izdeý qurylǵylary arqyly tekseris júrgizilip jatyr. Qazir termınalǵa kirýge tek ushatyn jolaýshylarǵa ruqsat berilgen. Jolaýshylar men olardyń júkteri tekseriledi», dedi polısııa podpolkovnıgi.
Sondaı-aq, shetel azamattarynyń jáne azamattyǵy joq tulǵalardyń QR kóshi-qon zańnamasy talaptaryn saqtaýyna baqylaý kúsheıtilgeni aıtyldy.
«Qazir elimizdegi sanıtarlyq-epıdemıologııalyq jaǵdaı jaqsarmaǵanyn, kerisinshe, kún saıyn SOVID-19 juqtyrǵandar sany artyp otyrǵanyn aıtqymyz keledi. Sondyqtan azamattarǵa áýejaı men basqa da qoǵamdyq oryndarda qaýipsizdik sharalaryn saqtaýdy, jeke qorǵaný quraldaryn qoldanýdy suraımyz», dedi Almaty áýejaıyndaǵy jelilik Polısııa bóliminiń bastyǵy Talǵat Tálipov.
Polısııa qyzmetkeri jolaýshylardan qujattardy tekserý kezinde polısııa qyzmetkerleriniń áreketterine túsinistikpen qaraýdy jáne olarǵa kómek kórsetýdi surady.