WBO tujyrymy boıynsha orta salmaqtaǵy álem chempıony Demetrıýs Andrade Jánibek Álimhanulymen kezdesýden bas tartyp, ekinshi orta salmaq dárejesine aýyssa, qazaqstandyq boksshy bos qalǵan beldik úshin basqa qarsylaspen sharshy alańda judyryqtasady, dep habarlaıdy Egemen.kz.
«Eger meniń ulym Jánibekpen kezdesýden bas tartsa, reıtıngte birinshi turǵan meksıkalyq boksshy Haıme Mýngııa qandaı qadamǵa barýy múmkin. Ol qalasa da, qalamasa da qazaq boksshysymen qolǵap túıistirýge májbúr bolady. Al Demetrıýs Jánibekpen sharshy alańda kezdesse, onda Mýngııa keıin báribir meniń ulymmen jolyǵýdan bas tartady. Jaǵdaı solaı», deıdi Demetrıýs Andradeniń ákesi Pol Andrade óz oıymen bólisip.