WBO tujyrymy boıynsha orta salmaqtaǵy álem chempıony, amerıkalyq boksshy Demetrıýs Andradeniń mindetti qarsylas Jánibek Álimhanulymen kezdesýden bas tartýyna taǵy bir múmkindik berilip otyr, dep habarlaıdy Egemen.kz.
Iá, eki boksshynyń jekpe-jegin ótkizý úshin uıymdastyrylatyn promoýterlik satylym taǵy bir aptaǵa keıin shegerildi. Uıym basshylyǵy muny koronavırýstyq ınfeksııanyń órshýimen baılanystyrdy. Osylaısha promoýterlik satylymnyń ekinshi márte datasy aýysty.
Bul jaǵdaıdan bir ǵana máseleni túsinýge bolady. AQSh boksshysy ekinshi orta salmaq dárejesine kóterilip, ondaǵy ýaqytsha chempıon Zak Parkermen shaıqas máselesin az ýaqytta retteýge talpynyp jatyr. Olaı bolmaǵan jaǵdaıda amalsyz qazaqstandyq boksshymen promoýterlik satylymsyz jedel kelissóz júrgizýge kúsh salýy yqtımal. Áıtkenmen ekinshi nusqadan góri birinshi nusqa kóbirek shyndyqqa janasatyn sekildi. Andrade Parkermen kezdesip ony jeńse, Saýl Alvarestiń mindetti qarsylasy atanady. Qysqasy promoýterlik satylym ýaqyty 28 qańtarǵa aýysty. Áliptiń artyn baǵaıyq.