Almaty-Talǵar tas jolynda Toyota Prado júrgizýshisi qarsy jolaqqa shyǵyp ketip, Honda Stream kóligimen soqtyǵysyp, nátıjesinde bir adam qaıtys boldy. Bul týraly Almaty oblystyq PD baspasóz qyzmeti málim etti, dep habarlaıdy Egemen.kz.
«Honda Stream júrgizýshisi men jolaýshysy Almaty oblystyq aýrýhanasyna jetkizildi. Alaıda 20 jastaǵy jolaýshy alǵan jaraqattarynan kóz jumdy. Toyota Prado júrgizýshisi oqıǵa ornynan qashyp ketken», delingen habarlamada.
Polıseıler jol talǵamaıtyn kólikti ishki ister organynyń qyzmetkeri basqarǵanyn anyqtady.
«Osy fakti boıynsha qyzmettik tekseris júrgizilip, oblystyq PD tártiptik komıssııasynyń sheshimimen qyzmettik bedelge nuqsan keltirgeni úshin ishki ister organdary qyzmetinen bosatyldy. Oqıǵany obektıvti zertteýge baǵyttalǵan tergeý áreketteri júrgizilýde», dep habarlady Almaty oblysy PD baspasóz qyzmeti.