Bilim jáne ǵylym mınıstrligi «Bolashaq» halyqaralyq stıpendııasy sheńberinde «ındýstrııalandyrý kezeńinde el ekonomıkasyna qajet bolatyn» ınjenerlik-tehnıkalyq baǵyttaǵy otandyq kadrlardy daıarlaýdaǵy tıisti ózgerister qaralǵanyn málimdedi, dep jazady Egemen.kz.
«Injenerlik-tehnıkalyq mamandyqtardyń tartymdylyǵyn arttyrý, el ekonomıkasy úshin shynymen qajet mamandardy daıarlaý maqsatynda 2021-2023 jyldarǵa arnalǵan joǵary oqý oryndarynyń tizimine Reseıdiń jetekshi tehnıkalyq baǵyttaǵy joǵary oqý oryndaryn qosý bóliginde ózgerister engiziletin bolady. Reseılik tehnıkalyq joǵary oqý oryndaryn «Bolashaq» halyqaralyq stıpendııasy sheńberinde oqýǵa usynylatyn sheteldik jetekshi joǵary oqý oryndarynyń tizimine engizý boıynsha jumys bastaldy. Sonymen qatar baǵdarlamanyń 2022-2026 jyldarǵa arnalǵan damý strategııasyn qaıta qaraý josparlanýda», delingen mınıstrlik habarlamasynda.
Sondaı-aq BǴM 2022 jyly «Bolashaq» baǵdarlamasy boıynsha oqýǵa 1055 stıpendııa bólingenin atap ótti. Onyń ishinde 555 stıpendııa magıstratýra, rezıdentýra, doktorantýra, taǵylymdama baǵdarlamalary boıynsha bólingen.
Taǵy 500 stıpendııa «ǵalymdar» taǵylymdamasynyń jańa sanaty boıynsha bólinedi.