Memleket basshysy Qasym-Jomart Toqaev Premer-Mınıstrdiń birinshi orynbasary Roman Sklıar men Nur-Sultan qalasynyń ákimi Altaı Kólginovti qabyldady. Kezdesý barysynda elordanyń áleýmettik-ekonomıkalyq jáne ınfraqurylymdyq damýy jónindegi másele talqylandy, dep habarlaıdy Egemen.kz Aqordaǵa silteme jasap.
Memleket basshysyna elordaǵy áleýmettik nysandardyń qurylysy, gazben qamtý isi, úleskerlik qurylys nysandarynyń aıaqtalýy men ınvestısııa tartý máseleleri jóninde jan-jaqty aqparat berildi.
Prezıdent áleýmettik nysandar qurylysynyń kólemin ulǵaıtý, tozyǵy jetken eski turǵyn úılerdi súrý jáne jańa turǵyn úı alaptaryn damytý qajettiligine erekshe nazar aýdardy. Jumys oryndaryn ashý jáne jastardy qoldaý máselesi basym mindetterdiń biri retinde atap ótildi.
Qabyldaý barysynda bıyl 10 myń áleýmettik páter salynatyny aıtyldy. Aıta ketsek, sońǵy úsh jylda bul kórsetkish 3 ese artqan. Bıyl taǵy da 40 kóppáterli turǵyn úı kesheniniń qurylysy aıaqtalyp, keminde 16 mektep salynatyn bolady.
Sondaı-aq, Qasym-Jomart Toqaevqa qaladaǵy epıdemıologııalyq ahýaldy turaqtandyrýǵa jáne vaksınalaýǵa baǵyttalǵan sharalar týraly baıandaldy.
Kezdesý sońynda Prezıdent elordany odan ári damytý maqsatynda birqatar tapsyrma júktedi.