Bilim jáne ǵylym mınıstrliginiń keńeıtilgen alqa otyrysynda bilim men ǵylymnyń ózekti máseleleri talqylanyp, ótken jyldyń barysy saraptalǵan bolatyn. Bul jıynda osy jylǵy keleli mindetter aıqyndalǵan-dy.
Jıyn barysynda mektepter, kolledjder men joǵary oqý oryndarynyń jumysyndaǵy ózgerister, bilim berýdi damytý jáne daryndy balalardy qoldaý sharalary týraly aıtyldy. Talqylanǵan máselelerdiń ishinde - ınklıýzıvti bilim berýdi qamtamasyz etý, qundylyqtar júıesin qalyptastyrý, salalyq menedjmentti transformasııalaý, kadrlar daıarlaýǵa jumys berýshilerdi tartý, joǵary bilimge qoljetimdilikti keńeıtý jáne ony ınternasıonaldandyrý, joǵary oqý oryndarynyń básekege qabilettiligin arttyrý jáne ǵylymı jobalardy qarjylandyrý boldy. О́zgerister pedagogıka salasyndaǵy bilim sapasyn jaqsartýǵa baǵyttalǵan.
О́tken jyldan bastap muǵalimderdiń jalaqysy ósti, bul jastardyń muǵalimdik kásipke degen qyzyǵýshylyǵyn arttyrady. Abaı ýnıversıteti eń daryndylardy tańdap, olarǵa joǵary sapaly bilim berýde. Oqytýshylarymyz óz biliktilikterin únemi arttyryp otyrady, qysqy jáne jazǵy mektepterge, sıfrlyq saýattylyqty arttyrý kýrstaryna qatysady. Ǵalymdar ózderiniń ǵylymı jobalaryn júzege asyrýǵa barlyq jaǵdaıdy jasaǵan. Biz pedagogıkalyq zertteý ýnıversıteti bolýǵa umtylamyz. Ǵylym salasyn damytýda granttar baǵdarlamasy engizilip, ǵylymı-konsýltatıvtik keńes quryldy. Munyń barlyǵy otandyq ǵylym men bilimdi damytýǵa baǵyttalǵan. Al shákirtaqynyń ósýi stýdentterdiń, ásirese, pedagogıkalyq mamandyqtarda oqıtyndardyń yntasy men jaýapkershiligin arttyrary sózsiz.
Kez kelgen ýnıversıtet túleginde kezdesetin basty másele – jumysqa ornalasý. Abaı ýnıversıteti jumys berýshilermen tıimdi qarym-qatynas jasaý arqyly túlekterdiń 96%-yna mamandyǵy boıynsha jumys tabýǵa kómektesti. Sonymen qatar, Abaı ýnıversıteti QS halyqaralyq taldaý agenttiginiń (Quacquarelli Symons) reıtıngine alǵash ret qatysyp, «Jumysqa ornalasqan túlekterdiń úlesi» kórsetkishi boıynsha 38-shi oryn aldy.
Mınıstrlik bilim men ǵylymdy damytý boıynsha belsendi jumys júrgizip jatqany qýantady. Joǵary oqý oryndary Memleket basshysynyń bilim salasyna qatysty tapsyrmasyn júıeli túrde oryndaıtynyna senimdimin.
Darhan BILÁLOV,
Abaı atyndaǵy QazUPÝ rektory