18 aqpannan bastap Aqtaý men Baký qalalary arasyndaǵy turaqty reısterdiń oryndalýy qalpyna keltiriledi, dep habarlaıdy Egemen.kz.
Azamattyq avıasııa komıtetiniń baspasóz qyzmeti málim etkendeı, qazaqstandyqtar Ázerbaıjanǵa aptasyna úsh ret: dúısenbi, sársenbi jáne senbi kúnderi usha alady.
Qazaqstan aýmaǵynda koronavırýstyq ınfeksııanyń paıda bolýy men taralýyna jol bermeý jónindegi vedomstvoaralyq komıssııa osyndaı sheshim qabyldady.
Avıaushýlar Airbus A319 tıpti áýe kemesinde júzege asyrylatyn bolady.
«Reıster sanıtarlyq-epıdemıologııalyq talaptardy qatań saqtaı otyryp jáne avıakompanııanyń saıtynda jarııalanǵan kestege sáıkes oryndalatyn bolady», delingen QR Azamattyq avıasııa komıtetiniń habarlamasynda.