Búgin Premer-Mınıstr Álıhan Smaıylovtyń tóraǵalyǵymen ótken Úkimet otyrysynda «Jekeshelendirýdiń 2021-2025 jyldarǵa arnalǵan keıbir máseleleri týraly» qaýlyǵa ózgerister engizildi, dep habarlaıdy Egemen.kz Úkimet basshysynyń resmı saıtyna silteme jasap.
Qujat jekeshelendirýge jatatyn memlekettik aktıvterdi irikteý krıterıılerin bekitýdi kózdeıdi.
Ekonomıkany jańǵyrtý máseleleri jónindegi memlekettik komıssııanyń jekeshelendirý bóligindegi sheshimderi Memlekettik múlik jáne kvazımemlekettik sektor sýbektileri tiziliminiń veb-portaldarynda jarııalanýǵa jatady.
Memleket Basshysy Qasym-Jomart Toqaevtyń tapsyrmasyn oryndaý aıasynda «Parlament depýtattaryna, Úkimet múshelerine jáne barlyq deńgeıdegi ákimderge eńbekaqy tóleýge moratorıı engizý týraly» qaýly qabyldandy.