Elordada turǵyn úı kezegine turý tártibi ózgerdi

Portal arqyly kezekke qoıý úshin www.egov.kz tek ESQ qajet. Kirister, adrestik tirkeý, sanatqa jatatyndar týraly barlyq basqa derekterdi baza ózi kóredi.

Turǵyn úı kezegine azamattardyń mynadaı sanattary kezekke tura alady:

• Uly Otan soǵysynyń múgedekteri men qatysýshylary;

• jetim balalar, ata-anasynyń qamqorlyǵynsyz qalǵan balalar;

• halyqtyń áleýmettik osal toptary;

• kópbalaly otbasylar;

• memlekettik qyzmetshiler, bıýdjettik uıymdardyń qyzmetkerleri, áskerı qyzmetshiler, ǵaryshkerlerge kandıdattar, ǵaryshkerler, arnaıy memlekettik organdardyń qyzmetkerleri, memlekettik saılanbaly qyzmetterdi atqaratyn adamdar;

• jalǵyz turǵyn úıi Qazaqstan Respýblıkasynyń zańnamasynda belgilengen tártippen tótenshe jaǵdaı dep tanylǵan azamattar.

Halyqtyń áleýmettik osal toptary degenimiz kim?

• Uly Otan soǵysynyń múgedekteri men qatysýshylaryna teńestirilgen adamdar;

• múgedek balalary bar nemese olardy tárbıelep otyrǵan otbasylar;

• keıbir sozylmaly aýrýlardyń aýyr túrlerimen aýyratyn adamdar:

• qart azamattar;

• jetim balalar, ata-anasynyń qamqorlyǵynsyz qalǵan balalar

• kópbalaly otbasylar;

• tolyq emes otbasylar;

• I jáne II toptaǵy múgedekter;

• oralmandar;

• ekologııalyq zilzala, tabıǵı jáne tehnogendik sıpattaǵy tótenshe jaǵdaılar saldarynan úıinen aıyrylǵan adamdar;

• memlekettik mindetterdi oryndaý kezinde qaza tapqan (qaıtys bolǵan) adamdardyń otbasylary;

Turǵyn úıge kezekke turý úshin qujattardy qaıda tapsyrý kerek?

ESQ kómegimen www.egov.kz portaly arqyly elektrondy túrde.

Turǵyn úıge kezekke turý úshin qandaı qujattar qajet?

Tek ESQ.

Mańyzdy aqparat

Elorda  ákimdigi «Turǵyn úı qory» kommýnaldyq memlekettik mekemesiniń málimetinshe, Nur-Sultan qalasynda turǵyn úıge kezekke turý úshin keminde úsh jyl turaqty meken jaı tirkeý bolýy qajet.

Sizde jáne sizdiń otbasyńyzdyń múshelerinde kezekke turǵan sátte jáne sońǵy 5 jylda QR boıynsha menshik quqyǵynda turǵyn úı múlki bolmaýy tıis.