Aralas jekpe-jek álemindegi eń bedeldi uıym sanalatyn UFC-de úsh kezdesý ótkizip, barlyǵynda qarsylastaryn jedel jeńgen otandasymyz Shavkat Rahmonov áýesqoılar lıgasyndaǵy eki jeńilisi týraly aıtty, dep habarlaıdy Egemen.kz Sport-express.ru-ǵa silteme jasap.
«Reseılik Gadjımýrat Hıramagomedovke áýesqoılar arasyndaǵy dodalarda tóreshilerdiń sheshimimen eki márte ese jibergen bolatynmyn. Ol kezdesýlerde reseılik sportshy erkin kúrestiń arqasynda menen basym tústi. Al tik turyp judyryqtasqan kezde túk tyndyra almaǵan edi. Áýesqoılar arasyndaǵy jarystyń deńgeıi bólek. Qazirgi tańda ol qaıda, men qaıdamyn? Ekeýmiz eki álemde júrmiz», dedi Shavkat ıýtýb-arnalardyń birine bergen suhbatynda.