Túrkııanyń qazirgi prezıdenti Rejep Taıyp Erdoǵan 2023 jyly maýsymda ótetin saılaýda Túrkııa prezıdenttigine úshinshi ret túsedi, dep habarlaıdy Egemen.kz.
Bul týraly Star gazeti «Ulttyq qozǵalys partııasynyń» basshysy Devlet Bahchelıge silteme jasap habarlaǵan.
Erdoǵan bıliktegi «Ádilet jáne damý partııasy», «Ulttyq qozǵalys partııasymen» birikken «Halyq alıansy» atynan qatysady.
Erdoǵan saılaýǵa bıliktegi Ádilet jáne damý partııasy men «Halyq alıansy» atynan qatysady.
Bahchelıdiń aıtýynsha, Erdoǵannyń qaıta saılanýyna esh kedergi joq.
«Bizdiń prezıdenttikke úmitkerimiz anyq. Ol - Rejep Taıyp Erdoǵan. 2023 jylǵy maýsymda ótetin saılaýda Erdoǵan myrzanyń úlken basymdyqpen jeńiske jetetinine jáne «Halyqtyq alıanstyń» da kezekti jeńisine senemin. Biz prezıdenttiń kem degende úsh merzimge saılanýy úshin qoldan kelgenniń bárin jasaımyz», dedi Ulttyq qozǵalys partııasynyń basshysy.