Soltústik Qazaqstan oblysynda Petropavl qalasynyń 14 jastaǵy turǵyny oq jaraqatymen oblystyq balalar aýrýhanasyna tústi, dep habarlaıdy Egemen.kz.
QR IIM aqparattyq medıa-portalynda habarlanǵandaı, aldyn ala tergeý barysynda jasóspirim óziniń 18 jasar týysymen qarýdy abaısyzda ustaý saldarynan jaraqat alǵany anyqtaldy.
«Olar Qyzyljar aýdany Presnovka aýylynyń janyndaǵy ormanǵa qaraı attanyp, ań aýlaýǵa tyrysty. Oqıǵa ornynda tegis uńǵyly myltyq tárkilendi», delingen habarlamada.
Atalǵan fakti QR QK 114-babynyń 3-bóligi «Densaýlyqqa abaısyzda zııan keltirý» boıynsha sotqa deıingi tergeýdiń biryńǵaı tizilimine engizildi.
Sondaı-aq, qarýdy zańsyz saqtaý faktisi boıynsha ákimshilik jaýapkershilik sharalary qabyldanatyn bolady.