Semeı qalasynda «Quqyqtyq tártip» respýblıkalyq jedel aldyn alý is-sharasy aıasynda Shyǵys Qazaqstan oblysynyń polıseıleri jergilikti turǵynnyń atys qarýyn zańsyz saqtaýǵa qatysy barlyǵy týraly aqparatty tekserdi, dep jazady Egemen.kz.
Tintý nátıjesinde 29 jastaǵy er adamnyń garajynan 16 kalıbrli «ZK» jáne «IJ» markaly eki tegis uńǵyly myltyq, sondaı-aq 5,6 mm kalıbrli «Straj» modeliniń sıgnaldyq revolverinen turatyn qarý-jaraq arsenaly tabyldy.
Qazir tártip saqshylary atalǵan azamattyń bul qarýdy qandaı maqsatta saqtaǵanyn anyqtaýda.
«Qazirgi ýaqytta atalǵan fakti boıynsha QR QK-niń 287-baby 3-bóligi (Qarý men oq-dárilerdi zańsyz satyp alý, saqtaý nemese alyp júrý) boıynsha sotqa deıingi tergeý júrgizilýde, onyń sanksııasy 5 jylǵa deıingi merzimge bas bostandyǵynan aıyrý túrindegi jazany kózdeıdi», dedi ShQO PD bastyǵynyń orynbasary Talǵat Shaıahmetov.