Qazaqstanda quqyq qorǵaý organdary qyzmetkerleriniń materıaldyq-tehnıkalyq jaraqtandyrylý deńgeıi men quqyqtyq qorǵalý dárejesi artady. Bul týraly Úkimettiń keńeıtilgen otyrysynda QR Premer-Mınıstri Álıhan Smaıylov málimdedi, dep habarlaıdy Egemen.kz.
«Quqyq qorǵaý salasynda «qadamdyq qoljetimdiliktegi polısııa» qaǵıdatyn iske asyrý boıynsha jumys jalǵasady. Quqyq qorǵaý organdary qyzmetkerleri men áskerı qyzmetshilerdiń materıaldyq-tehnıkalyq jaraqtandyrylý deńgeıi men quqyqtyq qorǵalý dárejesi artatyn bolady», dedi Álıhan Smaıylov.
Sondaı-aq onyń aıtýynsha, azamattyq qorǵaý organdaryn órt, jedel-qutqarý jáne mamandandyrylǵan tehnıka men jabdyqtarmen jaraqtandyrý kúsheıtiledi. Jańadan qurylatyn órtke qarsy ınfraqurylym obektileri men sýda qutqarý stansııalarynyń shtat sany ulǵaıady.
«Halyqty tabıǵı tótenshe jaǵdaılardan qorǵaýdy qamtamasyz etý úshin qorǵanys qurylystary men sel ustaıtyn bógetter salynady, sondaı-aq ózen arnalaryn tazartý kózdeledi», dep qosty Álıhan Smaıylov.