QR Prezıdenti Qasym-Jomart Toqaev Reseı Prezıdenti Vladımır Pýtınmen kelissózder barysynda qol jetkizilgen negizgi ýaǵdalastyqtar týraly aıtty, dep habarlaıdy Egemen.kz.
«Qazaqstanda Reseı sheteldik kapıtaly bar kásiporyndar sany boıynsha sózsiz kóshbasshy bolyp tabylady. Olardyń ár úshinshisi reseılik kompanııalardyń qatysýymen qurylǵan, jalpy ınvestısııalyq portfeldi barlyq salalar usynady. Biz óndiristik kooperasııany keńeıtý perspektıvasynyń egjeı-tegjeıin talqyladyq», dedi Qasym-Jomart Toqaev kelissózderden keıingi brıfıng barysynda.
Memleket basshysynyń aıtýynsha, bul baǵytta kórshiles elder 13 iri jobany aıaqtady, sondaı-aq, 2,5 mlrd dollardan astam somaǵa 8 jobany iske asyrý satysynda.
«Taǵy 11 joba pysyqtalýda. Jalpy ınvestısııa kólemi 1,5 mlrd dollardy quraıdy. Kelissózder barysynda Vladımır Vladımırovıchke osy jobalardyń barlyǵy meniń jeke baqylaýymda bolatynyn jáne olar jańa jumys oryndaryn qurýǵa, elderimizdiń ónerkásiptik, tehnologııalyq áleýetin nyǵaıtýǵa baǵyttalatynyn habarladym», dedi Memleket basshysy.