Qazaqstan Prezıdenti Qasym-Jomart Toqaev 2030 jyly EKSPO kórmesin ótkizý orny retinde Máskeýdiń kandıdatýrasyn qoldaıtynyn málimdedi, dep jazady Egemen.kz.
«Biz halyqaralyq bastamalardy ilgeriletýde ózara qoldaý kórsettik. Qazaqstan 2030 jyly EKSPO kórmesin ótkizý orny retinde Máskeýdiń kandıdatýrasyn qoldaýdan esh tartynbaıtynyn atap ótkim keledi», dedi Qasym-Jomart Toqaev Reseı Prezıdenti Vladımır Pýtınmen kelissózderden keıingi baspasóz jıynynda.
Sondaı-aq, Qasym-Jomart Toqaev Vladımır Pýtınmen bilim berý salasyndaǵy kelissózderdiń nátıjeleri týraly tarqatty.
Prezıdenttiń aıtýynsha, Qazaqstanda ınjenerlik-tehnıkalyq beıindegi joǵary bilikti kadrlardyń qajettiligin eskere otyryp, bilim berý salasyndaǵy yntymaqtastyqqa erekshe nazar aýdaryldy.
«Búgin men qurmetti Vladımır Vladımırovıchke Reseıdiń eń tanymal joǵary oqý oryndarynyń fılıaldaryn, onyń ishinde, eń aldymen, tehnıkalyq fılıaldaryn Qazaqstanda ashýǵa keliskeni úshin rızashylyǵymdy bildirdim. Biz Qazaqstandaǵy jetekshi reseılik joǵary oqý oryndarynyń fılıaldar jelisin keńeıtý jónindegi pándik ýaǵdalastyqtardy quptaımyz. Bul bilim berý men ózara qoldaý salasyndaǵy óte mańyzdy progress dep sanaımyn», dedi Memleket basshysy óz sózinde.