Mańǵystaýlyq fermerler jerdi aýyl sharýashylyǵy maqsatyna paıdalanýǵa alǵanymen, is júzinde kádesine jaratpaǵan. Sondyqtan Mańǵystaý oblysynda ıgerilmegen 303 myń gektar jer qaıta memleket menshigine alyndy, dep jazady Egemen.kz.
2020 jyly bos jatqan alqaptardy anyqtaý úshin Qazaqstannyń 4 oblysyna ǵaryshtan monıtorıng jasaý jobasy iske qosylǵan bolatyn. Zertteý nátıjesinde Mańǵystaý oblysyndaǵy 2 mıllıonnan astam jerdiń bos jatqany anyqtalǵan. О́tken jyly 445 sharýaǵa eskertý berilgen.
«Jalpy aýyl sharýashylyǵyna tabystalǵan 3 mln gektardaı jer bar. Qaraqııa aýdany negizinen kólemdi jerdi qaıtardy, Mańǵystaý aýdanynan 12 sharýashylyq 154 myń gektardaı jerdi qaıtarsa, Beıneý aýdanynda iri kólemdegi sharýashylyq joq bolǵandyqtan 45 myń, 10 myń gektar jer qaıtarylyp jatyr. Jerdi 1 jyl ishinde paıdalanbaǵany anyqtalsa, áýeli eskertý beriledi», dedi oblystyq jer qatynastary basqarmasynyń basshysy Esemurat Dúzmaǵambetov.