О́skemendegi balabaqshadan bes jasar qyz joǵalyp ketken. Tótenshe jaǵdaı 11 aqpan kúni qala shetinde bolǵan dep habarlaıdy Egemen.kz qalalyq polısııa basqarmasyna silteme jasap.
Qyzdyń anasy 16.43 shamasynda 102 arnasyna búldirshinniń joǵalǵany týraly habarlaǵan. О́skemen qalasynyń polısııa basqarmasy joǵalǵan qyzdy izdestirý boıynsha jedel sharalar qabyldaǵan.
«Kóshedegi kishkentaı qyzǵa tónetin barlyq qaýipti túsinip, biz izdeý úshin barlyq qajetti sharalardy qabyldadyq. Bizdiń qyzmetkerlerimizdiń úılesimdi áreketteriniń arqasynda qyz 10 mınýt ishinde tabyldy. Bul rette kámeletke tolmaǵandardyń isteri jónindegi ýchaskelik ınspektor, aǵa leıtenant Rasýl Abaevtyń, patrýldik polısııa batalony qyzmetiniń ınspektory, aǵa leıtenant Azamat Dónenbaevtyń, BPP qyzmetiniń ınspektory, polısııa aǵa leıtenanty Mıras Aıtmuqashovtyń kásibıligin atap ótkim keledi», delingen О́skemen qalalyq polısııa basqarmasynyń bastyǵy Andreı Mýlanyń habarlamasynda.