Shymkent qalasynyń ákimi Murat Áıtenov ortalyq Qyrǵy bazaryna baryp, ondaǵy saýdagerlerdiń tynys-tirshiligimen tanysty, dep habarlaıdy Egemen.kz Shymkent qalasy ákimdiginiń baspasóz qyzmetine silteme jasap.
Bazarǵa arnaıy kelgen Murat Áıtenov azamattarmen sóılesip, máselelerin tyńdady. Sonymen birge bazar syrtyndaǵy ruqsat etilmegen oryndarda saýda kórkin qyzdyrǵan azamattarmen tildesti. Ilgeride shahar basshysy olardy qala ákimdiginde qabyldap, retsiz saýdanyń zań boıynsha jaýapkershiligin túsindirip, birneshe usynystar aıtqan bolatyn.
Bazar syrtynda shamamen 100-ge jýyq adam jemis-jıdek, kıim-keshek, et, shujyq, nan ónimderi men sút, aıran satyp, saýda jasaýda. Turaqty túrde saýda jasaýshy 50-60 adam, qalǵany basqa aýdandardan kelip úı ónimderin satyp ketedi. Bul zań jáne sanıtarlyq talaptardyń buzylýyna alyp kelýde. Retsiz saýda oryndaryn retteý maqsatynda Ál-Farabı aýdany ákimi apparatynyń mamandary men jergilikti polısııa ókilderi birlesip, kúndelikti reıdtik is-sharalardy júzege asyrady. Osy jyldyń basynan búgingi kúnge deıin QR ÁQBtK-niń 204 babyna sáıkes, 89 ákimshilik hattama toltyryldy. Onyń ishinde: 81 eskertý berilip, 8 iske aıyppul salynǵan.
Jaıma saýdamen aınalysýshylarǵa qala ákiminiń tapsyrmasy boıynsha bazar ishinen áleýmettik oryn usynyldy. Qala ákimi árbir máseleniń tek Zań aıasynda sheshilýin qadaǵalaýda. Retsiz saýdamen kúres jumystary jalǵasa bermek.