Úkimet otyrysynda QR Ulttyq ekonomıka mınıstri Álibek Qýantyrov «Atameken» Ulttyq kásipkerler palatasy qyzmetine fýnksıonaldyq taldaý júrgizilgenin aıtty, dep jazady Egemen.kz.
«Atameken» Ulttyq kásipkerler palatasy qyzmetin reformalaý boıynsha palata qyzmetine fýnksıonaldyq taldaý júrgizý josparlanýda. Osy jumystyń qorytyndysy boıynsha ulttyq palata qyzmeti shaǵyn jáne orta bıznesti qoldaýǵa, qorǵaýǵa jáne damytýǵa qaıta baǵdarlanatyn bolady», dedi Álibek Qýantyrov.
Sondaı-aq, mınıstr ol úshin Ulttyq kásipkerler palatasy qyzmeti máseleleri boıynsha zańnamaǵa tıisti túzetýler ázirlengenin jetkizdi. «Atameken» Ulttyq kásipkerler palatasynyń básekege qabiletti shaǵyn jáne orta bıznesti qalyptastyrýda qosymsha ınstıtýsıonaldyq quralǵa aınalatynyna senim bildirdi.