Qoǵamdyq kelisim – basty qundylyq

«Ahyska» túrik etnomádenı birlesti­giniń múshelerimen ótken kezdesýde qaty­sý­shylar Memleket basshysynyń Jańa Qazaqstan qurý ıdeıasyna qoldaý bil­dirdi. «Pre­zıdent bastamasymen jarııa­lan­ǵan Jańa Qazaqstan tujyrymda­masy, bi­rin­shi kezekte, qoǵamnyń tutastyǵyn bil­­­di­redi. Qabyldanǵan is-sharalar keshe­ni el­diń saıası jáne ekonomıkalyq ómi­rin­­d­e­gi ja­sampaz ózgeristerge qýatty ser­pin be­re­­tini sózsiz. Osyǵan oraı bul kún­deri Qazaq­­stan halqy Assambleıasy óz qyz­me­tin qaıta jandandyrý boıynsha arnaıy is-sha­ralardy iske asyrýda», dedi M.Ázilhanov.

Túrik birlestiginiń músheleri óskeleń urpaqtyń rýhanı jáne adamgershilik tárbıesine, jastardyń jumyspen qamtylý deńgeıin arttyrýǵa, ulttyq mádenıetti damytý men ilgeriletýge, jalpy tirshilik áreketiniń basqa da mańyzdy aspektilerine nazar aýdardy. «Qańtar aıynyń basynda Qazaqstan halqymen birge osynaý qıyn kezeńdi bastan ótkerdik. Memleket basshysynyń qoldaýynyń arqasynda elmen bir kisideı jumylyp, yntymaǵymyzdy saqtaı bildik. Árıne, árqaısymyz úshin halyqtyń áleýmettik turaqtylyǵy men qaýipsizdigi basty orynda. Sondyqtan qazir Assambleıanyń, onyń qurylymdary men áriptesteriniń negizgi mindeti – tıimdi is-áreket jasaý. Baıqaýshy rólin somdamaı, naqty ıgi is-sharalardy iske asyrýǵa, Otanymyzdy odan ári gúldendirýge atsalysý», dedi «Ahyska» túrik etnomádenı birlestiginiń tóraǵasy Z.Kasanov.

Kezdesý qorytyndysy boıynsha qaty­sý­­shylar ortaq mámilege kelip, usy­nyl­ǵan is-sharalardy birlese atqarýǵa daıyn ekendikterin bildirdi.

Marat Ázilhanovtyń kúrd etnomádenı birlestiginiń ókilderimen ótkizgen kezdesýge «Barbang» Qazaqstan kúrdteri qaýym­das­tyǵynyń tóraǵasy A.Alıev, «Barbang» Qazaqstan kúrdteri qaýymdastyǵynyń Almaty qalalyq fılıalynyń tóraǵasy M.Tagırov, «Jıına kúrd» respýblıkalyq kúrd gazetiniń bas redaktory J.Osmanov jáne basqalary qatysty. Kezdesý barysynda M.Ázilhanov kúrd etnomádenı birlestikteriniń Qazaqstan halqy Assambleıasyn damytýdaǵy belsendi jáne biriktirýshi rólin atap ótti. Sonymen qatar QHA-nyń kúrd etnomádenı birlestik­teriniń etnosaralyq kelisimdi, qoǵamdaǵy toleranttylyq pen halyqtyń birligin nyǵaı­tý­da belsendi jumys istep, QHA-nyń qol­daýyna ıe bolyp otyrǵanyn aıtty. Son­daı-aq Qazaqstannyń qaǵıdatty ustanymy – etnostyq máselelerdi saıası maqsattarda paıdalanýǵa jol bermeý kerek ekenin atap ótti.

Kúrd etnosynyń ókilderi qańtardaǵy oqıǵalar elimizdegi beıbitshilik pen tynysh­tyqtyń qanshalyqty mańyzdy ekenin taǵy bir ret aıqyn kórsetkenin jetkizdi. «Biz qazaq halqymen birge túrli tarıhı kezeńderdi eńserdik. Búginde biz elimizdiń múddelerin qorǵaý men nyǵaıtý jolyndaǵy jumysty odan ári jalǵastyrmaqpyz. Son­daı-aq ózindik ereksheligimizdi joǵaltpaý úshin mádenıetimizdi, salt-dástúrimiz ben tilimizdi urpaqtan-urpaqqa jetkizý jolynda eńbek etemiz», dedi A.Alıev.

О́z kezeginde kúrd etnomádenı birles­tigi­niń ókilderi Qazaqstan halqy Assam­bleıasynyń qyzmetin ilgeriletý men damytý­ǵa baılanysty óz usynystaryn bildirdi. Atap aıtqanda, QHA qyzmetine barlyq etnostardyń belsendi jas­taryn tarta otyryp, jobalardy damytý, elimizdiń kadrlyq áleýetiniń shetelge ketýine jol bermeý maqsatynda Jańa Qazaqstandy qurýda jastarmen belsendi jumys júr­gizý jáne memlekettik tildiń rólin arttyrý maqsatynda etnostardy biriktirý máseleleri talqylandy.

Kezdesý barysynda QHA Tóraǵasynyń orynbasary Assambleıa elimizdiń barlyq etno­mádenı birlestikterine jáne etnostar­dyń mádenıetin, dástúrlerin, tilin damytý­ǵa barynsha qoldaý kórsetetinin atap ótti.

M.Ázilhanov Qazaqstan uıǵyrlary respýblıkalyq etnomádenı ortalyǵy­nyń belsendilerimen kezdesýde uıǵyr etnosynyń qazaqstandyq patrıotızmdi damytý men nyǵaıtýǵa baǵyttalǵan jumysyn joǵary baǵalady. Onyń aıtýynsha, búgingi kún Assambleıanyń jumysyna jańa tásilderdi engizýdi talap etedi.

О́z kezeginde uıǵyr etnomádenı birles­tiginiń ókilderi «Qasiretti qańtar» kezinde ortaq shańyraǵymyzdyń tynyshty­ǵyn saqtap qalǵan Memleket basshysyna shyn júrekten rızashylyǵyn bildirdi.

Sondaı-aq kezdesý barysynda QHA jumysynyń tıimdiligin odan ári arttyrýdyń negizgi aspektileri qaraldy.