Densaýlyq saqtaý mınıstrligi Medısınalyq jáne farmasevtıkalyq baqylaý komıtetiniń tóraǵasy Baýyrjan Baıserkın qańtar oqıǵasy kezinde zardap shekken kámeletke tolmaǵan balalardyń sanyn aıtty, dep jazady Egemen.kz.
«Medısınalyq uıymdarda 177 adam qaıtys boldy. Búginde alty adam aýrýhanada emdelip jatyr. Almaty men Qyzylordada úsh naýqastyń jaǵdaıy aýyr, bireýi oq jaraqatyn alǵan, emdelip jatyr. Úsh oblysta kámeletke tolmaǵan balalar zardap shekken. Almatyda ekeýi oq jaraqatynan qaza boldy, jeteýi túrli oq jaraqatymen aýrýhanaǵa jetkizildi. Onyń ishinde tórt jasósipirm Almaty qalasynda, ekeýi Almaty oblysynda jáne bireýi Jambyl oblysynda. Sondaı-aq Almaty oblysynda bir júkti áıel gazdan zardap shekti», dedi Baýyrjan Baıserkın Ortalyq kommýnıkasııalar qyzmetinde ótken brıfıngte.