El birligi – damý kepili

Jıyndy ashqan Shymkent qala­sy ákiminiń birinshi orynbasary Shyńǵys Muqan Memleket bas­shy­sy­nyń Jańa Qazaqstandy qurý jónin­degi reformasy qoǵam tutas­tyǵy men halyq birligin nyǵaı­tý­daǵy birden-bir mańyzdy qural eken­digin atap ótti. «Aldymyzda Jańa Qazaqstan qurý jónindegi mártebeli mindetter tur. Elimiz damýdyń jańa kezeńine qadam basty. Bul kezeń saıa­sı jáne qoǵamdyq formasııanyń jańarýymen júzege aspaq. Ár salada túbegeıli ózgerister júredi, jańa kózqaras qalyptasyp, jańa tásilder qoldanylady. Qazaqstan halqy Assambleıasy da jumys mazmunyn jańartyp, qoǵamdy toptastyrýdyń tıimdi joldaryn usynyp, iske asyratynyna senimdimin», dedi ol.

Kezdesýde qatysýshylar erkin formatta etnosaralyq qatynastar salasyn damytýdyń aldaǵy perspektıvalary týraly pikir almasty. Sondaı-aq jastardyń jumyspen qamtylý deńgeıin arttyrýǵa járdemdesýdiń ózekti máseleleri, onyń ishinde «Jas­tar Assambleıasy» qoǵamdyq birlesti­giniń aldaǵy jumys josparlary talqylandy.

О́z kezeginde Marat Ázilhanov tu­ra­q­ty­ly­ǵymyzdy saqtaýda, ynty­ma­ǵy­­myzdy ydyratyp almaýda óńirlik assambleıa músheleriniń aıryq­sha rólin atap ótip, Assambleıa qyzme­tin transformasııalaýda Qazaq­stannyń barlyq etnostaryn belsendi atsalysýǵa shaqyrdy.

Sondaı-aq Qazaqstan halqy As­samb­leıasy Tóraǵasynyń orynbasary Qazaqstan ózbekteriniń etnomádenı birlestikteri qaýymdastyǵynyń ókilderimen kezdesý ótkizdi.

Is-sharaǵa Qazaqstan Respýblıkasy Parlamenti Májilisiniń depýtaty F.Qarataev, «Dýstlık» respýblı­kalyq óz­bek etnomádenı birlestiginiń qurmet­ti tór­aǵasy R.Halmýradov, Qazaq­stan óz­bek­­­teri «Dýstlık» qaýym­das­tyǵynyń tór­­­aǵasy I.Hashım­janov, sondaı-aq óz­bek etnomádenı birlestikteriniń tór­aǵa­­lary men aqsaqaldary, zııaly qaýym ókil­­deri qatysty. Kezdesý barysynda Qa­zaq­­stan halqy Assambleıasy jáne onyń qu­ry­lymdary óz qyzmetindegi jańa tásil­derdi qoldaný, memlekettik til­diń bi­rik­tirýshi rólin arttyrý jáne QHA jas­tar kadrlyq rezervin qalyp­tas­tyrý nus­qalary, sondaı-aq etno­má­denı bir­les­tikterdiń medıa-jumysy talqylandy.

О́z kezeginde jıynǵa qatysýshylar tushymdy oılaryn yqshamdap ortaǵa salyp ótti. Aldaǵy ýaqytta olardyń bar­lyǵy quzyrly memlekettik organ­darda pysyqtalyp, ǵylymı-sarap­shy­lyq alańdarda talqylanatyn bolady.

Qazaqstan ózbekteri Memleket basshysynyń Jańa Qazaqstandy qurý­daǵy barlyq azamattardyń ál-aýqa­tyn qamtamasyz etýge baǵyttal­ǵan júıeli qadamdaryn tolyq qoldaı­tynyn jáne iske asyrýda barynsha qoldaý kórsetetinin atap ótti.

О́z kezeginde Marat Ázilhanov «Dýstlık» qaýymdastyǵy ózbek etnosynyń ókilderin qazaqstandyq qoǵamǵa biriktirý, olardy Qazaq­stan­nyń Táýelsizdigin nyǵaıtý prosesine tartý mıssııasyn joǵary deńgeıde oryndap jatqanyn atap ótti.