Elordalyq «Barys» qurlyqtyq hokkeı lıgasy pleı-off satysyna daıyndyq maqsatynda búgin reseılik «Spartak» (Máskeý) komandasymen joldastyq kezdesý ótkizedi, dep habarlaıdy Egemen.kz.
Atalǵan oıyn Máskeý qalasyndaǵy «Lýjnıkı» arenasynda bolady. Bastalýy - elorda ýaqytymen 16:00. Kezdesý jankúıersiz ótkiziledi.
Budan keıin qazaqstandyq klýbty Reseı astanasynda máskeýlik «Dınamoǵa» qarsy eki oıyn kútip tur.
Atalǵan kezdesýler 22 jáne 24 aqpanǵa belgilengen. Eske salsaq, Qurlyqtyq hokkeı lıgasy pleı-off satysy birinshi kezeńinde Reseıdiń «Metallýrg» (Magnıtogorsk) komandasymen sheberlik baıqasady.