Eýropa elderinde sońǵy eki kúnde «Iýnıs» daýylynan kem degende 16 adam qaza tapty.
Qatty daýyldan Nıderlandta tórt, Polshada tórt, Ulybrıtanııada úsh, Germanııa men Belgııada eki, Irlandııada bir adam kóz jumdy.
Juma kúni keı jerlerde jel saǵatyna 200 shaqyrym jyldamdyqpen soqqan. Kóp adam daýyl saldarynan bolǵan avtomobıl apattarynda jaraqat alǵan.
Fransııanyń soltústiginde adamdardyń jaraqat alýyna baılanysty 30 oqıǵa tirkeldi. Meteorologtardyń aıtýynsha, «Iýnıs» daýyly sońǵy otyz jyldaǵy Eýropadaǵy eń kúshti tabıǵı apattardyń biri boldy.
Mıllıondaǵan úı ýaqytsha jaryqsyz qaldy, kóptegen aımaqta poıyzdar men basqa da qoǵamdyq kólikter toqtap, apat aımaǵyndaǵy áýejaılar júzdegen reısti keıinge qaldyrdy.
Osyǵan deıin «Iýnıs» daýylynan Amsterdam mańynda 3 adam qaza tapqan edi.