Eń uzyn sarbaz

Alaıda onyń áskerge barý armany birden oryndala qoıǵan joq. Munyń mynadaı sebebi bar. Bozbalanyń boıy – 1 metr 99 santımetr. Aıaǵyna 47 ólshemdi etik kıedi.

– Taraz qalasyndaǵy temir­jol kolledjinde arnaıy orta bilim aldym. Kolledjde oqyp júrgende áskerge barý týraly oılana bastadym. Byltyrǵy jazda áskerge shaqyrý pýnktine keldim. Biraq meni áskerge ala qoımady. Sebebi sol kezdegi sal­maǵym – 140 keli. Bul áskerge barýyma kedergi boldy. Sóıtip, oqýymdy jalǵastyra berdim, –deıdi Nıkıta Shevın. 

Áskerge barý úshin artyq sal­maqtan arylýdy maqsat etipti. Maq­satyna qol jetkizý úshin jat­­tyǵýdy bastaǵan. Birne­she aıdan keıin 20 keliden as­tamǵa aryqtaǵan. Byltyrǵy jeltoq­sanda áskerge shaqyryldy. Qa­zir áskerı boryshyn munaıly sha­har – Atyraý qalasyndaǵy Ulttyq ulannyń  №5546 áskerı bóliminde atqaryp júr.

– Meniń boıym da, salmaǵym da mekteptegi kezimde tez ósti. Áskerı bólimdegi  alǵashqy kún­­der óte qyzyqty ótti. Mun­da bári maǵan kóńil aýdaryp, bo­ıym men salmaǵym týraly  qy­zy­ǵýshylyq tanytty. Bul Ta­­razdan jolaýshylar poıyzyna minip, Atyraýǵa kele jat­qanda bastaldy. Meni­men aldymen №5546 áskerı bó­­lim komandıriniń tárbıe jáne áleýmettik-quqyqtyq jumys­tar jónindegi orynbasary, pod­polkovnık Baıram Álıev sóı­lesip, ómirlik maqsatym týraly surady. Áńgime arasynda sal­maǵym men boıyma qatysty saýal órbidi. Salmaǵym 120 keli dep ja­ýap berdim, –deıdi eń uzyn sar­baz. 

Endi Nıkıta Shevın salma­ǵynyń shamamen 90 kelige deıin tómendeıtinine úmitti bolyp otyr.

Atyraý oblysy