Almatyda jedel járdem kóligi jol-kólik oqıǵasyna ushyrady. Apat saldarynan tórt adam aýrýhanaǵa jatqyzyldy, dep habarlaıdy Egemen.kz.
Jol apaty Raıymbek dańǵylynda Rozybakıev kóshesine jetpeı oryn alǵan.
Kýágerlerdiń aıtýynsha, jol aıryǵynyń aldynda jedel járdem kóligi shyǵys baǵytta Raıymbek dańǵylymen júrip ótken. Kenetten kólik júrgizýshisi kólikti basqara almaı, aldymen jıektasqa, keıinnen jol belgisi men jaryqtandyrý dińgegine soǵylǵan.
Jol apatynan zardap shekken tórt adam, atap aıtqanda: júrgizýshi, feldsher, medbıke jáne taǵy bir jedel járdem qyzmetkeri aýrýhanaǵa jatqyzyldy.
Qazirgi ýaqytta JKO-nyń barlyq mán-jaılary anyqtalýda.