Erbolat Dosaevtyń ókimimen QR Prezıdenti Ákimshiliginiń kelisimi boıynsha Almaty qalasy ákiminiń orynbasary bolyp Álisher Elisuly Ábdiqadyrov taǵaıyndaldy, dep habarlaıdy Egemen.kz.
Álisher Ábdiqadyrov 1986 jyly 6 sáýirde Almaty qalasynda dúnıege kelgen. Lomonosov atyndaǵy Máskeý memlekettik ýnıversıtetiń túlegi, «ekonomıka magıstri.
«Eren eńbegi úshin» medalimen marapattalǵan (2017 j.).
Eńbek jolyn 2009 jyly QR Indýstrııa jáne saýda mınıstrliginiń Investısııalyq qyzmet departamenti ınvestısııalyq jobalar basqarmasynyń sarapshysy qyzmetinen bastaǵan.
2010-2013 jyldary – QR Indýstrııa jáne jańa tehnologııalar mınıstrliginiń Investısııalar jónindegi komıtetiniń bas sarapshysy, ınvestısııalyq jobalar basqarmasynyń basshysy, Strategııalyq josparlaý departamenti dırektorynyń orynbasary.
2014-2015 jyldary – QR Investısııalar jáne damý mınıstrliginiń Investısııalar komıteti tóraǵasynyń orynbasary. Keıingi jyldary Pavlodar oblysynyń ındýstrııalyq-ınnovasııalyq damý basqarmasynyń basshysy (2015-2016 jj.), Astana qalasynyń Investısııalar jáne kásipkerlikti damytý basqarmasynyń basshysy (2016-2019 jj.) bolyp jumys istedi.
2019 jyly «QazIndustry» qazaqstandyq ındýstrııa jáne eksportty damytý ınstıtýty» AQ Basqarma tóraǵasy boldy.
2020 jyldan 2021 jylǵa deıin Qaraǵandy oblysy ákiminiń orynbasary bolyp jumys istedi.
2021 jyldan 2022 jylǵa deıin Qazaqstan Respýblıkasynyń Ulttyq ekonomıka vıse-mınıstri qyzmetin atqardy.