Áleýmettik jelilerde Qazaqstan aýmaǵynda WhatsApp messendjeriniń jumysy toqtatylatyny týraly aqparat tarady, dep habarlaıdy Egemen.kz.
Bul habardy taratqan avtordyń aıtýynsha, elimizdiń bilim ordalaryna bul týraly resmı habarlama jiberildi.
QR BǴM mundaı habarlamalardy bilim berý mekemelerine nemese basqa jerlerge jibermegenderin naqtylady.
«Mınıstrlik mundaı aqparatty bilim berý uıymdaryna jibergen joq. Bilim jáne ǵylym salasyndaǵy barlyq ózekti jáne senimdi aqparat pen jańalyqtardy biz áleýmettik jelilerde jáne QR BǴM saıtynda jarııalaımyz», dep habarlady vedomstvonyń baspasóz qyzmeti.
Messendjer Qazaqstan aýmaǵynda qoljetimsiz bolady dep oılaýǵa eshqandaı negiz joq.
«Mundaı habarlamalar Memlekettik organdardyń resmı saıttarynda da, BAQ-ta da bolǵan joq», delingen Stopfake.kz habarlamasynda.