Orta salmaq dárejesindegi UFC chempıony Israel Adesanıa Shvesııa atynan synǵa túsip júrgen Hamzat Chımaevty ázirge ózine laıyqty qarsylas sanamaıtynyn aıtty, dep habarlaıdy Egemen.kz.
«Men ony ázirge laıyqty qarsylas retinde qabyldaı almaımyn. О́ıtkeni ol áli ondaı deńgeıge jetken joq. Álbette, bolashaqta men onymen oktagonda kezdeskim keledi. Ol úshin Chımaev biraz eńbektenýi kerek. Sońǵy jekpe-jeginde Hamzat Chımaev maǵan unaıtyn bir-eki tásilimen kózge tústi. Sonysymen meni tań qaldyrdy. Alaıda dál qazirgi sátte onyń menimen kezdeskisi keletini týraly áńgime bos sóz ekeni aqıqat. Orta salmaqta Hamzat ázirge myqtylardyń eshqaısysymen kezdesken joq. Múmkin biraz myqtyny jeńe alatyn shyǵar. Áıtkenmen aldymen ol ózin dáleldesin», dedi chempıon óz oıyn túıindep.