Adamzat Ýkraına úshin alańdaýly

Birikken Ulttar Uıymy ótken beısenbide bastalǵan shabýyldyń saldarynan Ýkraınada kem degende 136 beıbit turǵyn, onyń ishinde 13 bala qaza tapqanyn má­lim­­dedi. BUU-nyń Adam quqyq­tary jónindegi joǵarǵy komıs­sa­ry­nyń ókili Lız Trossell zar­dap shekkenderdiń naqty sany álde­qaıda kóp bolýy múmkin deıdi. Sonymen qatar BUU sha­býyl­­dardan zardap shekkender sany 400-ge jýyq degen derek aıtty.

Reseı áskeri Ýkraınaǵa sol­tús­tik, ońtústik jáne shy­ǵys ba­­­ǵyt­tan shabýyldaǵan. Eldiń sol­tús­tik-shyǵysynda orna­las­qan Har­­kov qalasynda urys bir­­ne­she kúnnen beri júrip jatyr. Reseıdiń qarýly kúshteri Ýkraınanyń ońtústiginde shabýylyn kúsheıtkenge uqsaıdy. Reseıdiń Qorǵanys mınıstrligi ońtústiktegi Herson qalasyn basyp alǵanyn málimdedi. Ýkraına astanasy Kıev te – basqynshylar kózdegen nysandardyń biri.

Birikken Ulttar Uıymy Ýk­­raı­­­nadan 700 myńǵa jýyq adam sheka­ra asqanyn aıtady. Eýro­pa­da bosqyndar máselesi taǵy da kóterildi. Kórshiles el­der olardy tıisti oryndarǵa jaıǵastyryp, kúndelikti qajet zattarmen qam­tamasyz etip otyr. Al elde qal­ǵan azamattar qarý alyp, Otan qor­ǵaýshylar qata­ry­na qosyldy.

Ýkraına jerinde bolyp jat­qan soǵys Reseı ekonomıkasyna ǵana emes, álem elderine de keri áser etetini aıtylyp keledi. Máse­len, Ulybrıtanııada sár­sen­bide gaz ben shıki munaı­dyń quny kúrt ósti, bul el nary­ǵyn­­da­ǵy baǵanyń odan ári ósýine alyp kelip, turǵyndardyń elektr energııasyna tólemin arttyrýy múmkin.

Sondaı-aq Reseıdiń memleket­tik buqaralyq aqparat qu­ral­da­rynyń jarııalanymdary bir­qatary Eýropa aımaǵynda taratylmaıtyn boldy. Buǵan qosa áleý­mettik jelilerde de jalǵan aqpa­ratpen kúresý maqsatynda reseılik basylymdardyń akkaýn­ty buǵattalyp jatyr.

Ýkraına aımaǵyndaǵy bas­qyn­­­shy­lyqty ­toqtatyp, eki jaq­­­ty keli­simge shaqyrǵandar qa­tary kóbe­ıip otyr. Qytaı atysty toqtatý úshin belgili bir qadamǵa barýǵa daıyn ekenin aıtty. Qytaıdyń syrtqy ister mınıstri Ýań I ýkraınalyq áriptesi Dmıtrıı Kýlebamen telefon arqyly sóıleskennen keıingi habarlamasynda «Beıjiń beıbit turǵyndardyń zardap shegýine asa alańdaýly» ekenin jetkizgen.

Birneshe kún buryn Reseı men Ýkraı­na ókilderi Belarýs jerinde al­ǵash­qy kelissózge jı­nal­ǵany bel­gili. Nátıjesinde, olar 5 sa­ǵat boıy ózekti máse­le­le­r­di tal­­qy­lap, el astanalaryna ózara kelisýge attanǵan. Reseı delegasııasy kelissózdiń ekinshi raýndyn jalǵastyrýǵa daıyn ekenin jáne sársenbi kúni keshke Ýkraına tarapyn kútetinin málimdedi. Reseı prezıdentiniń baspasóz hatshysy Dmıtrıı Pes­kov kezdesýdiń qalaı aıaqta­la­tynyna qatysty boljam jasamady. Ýkraına pre­zı­dentiniń keńesshisi Oleksiı Ares­tovıch baspasóz máslıhatynda Bela­rýstegi kelissózderge aldyń­ǵy raýnd­taǵy delegasııa músheleri qa­ty­satynyn aıtty.

Reseıdiń áreketin aıyptaǵan Batys elderi Ýkraınaǵa qoldaý bildirip, sanksııalardy kúsheıte bere­tinin ashyq bildirýde. De­gen­­men shabýyldy toqtatý máse­le­si ázirge sheshimin tabar emes.