Kásibı menedjerlerge suranys joǵary

Y.Altynsarın atyndaǵy №159 gım­na­zııa­da ótken kezdesýde Parlament Má­ji­­lisiniń depýtaty Juldyz Súleı­menova, Medeý aýdanynyń ákimi Áset Masabaev, Abai University rektory Darhan Bilálov jáne qalalyq Bilim basqarmasynyń ókil­de­ri qala mektepteriniń dırektorlary sa­pa­­ly maman daıarlaý máselesindegi ózekti jaıt­tarǵa nazar aýdardy.

Prezıdenttiń elimizdiń damýyna qa­tys­ty tapsyrmalaryna toqtalǵan J.Súleı­me­nova pedagog kadrlardyń tap­shy­lyǵy, ınklıýzıvti bilim berý másele­le­ri, mu­ǵa­lim­derdiń deńgeıin kóterý, oqý­lyq­tardyń sa­pasyn arttyrý, qala men aýyl ara­syn­da­ǵy bilim salasyndaǵy alshaq­tyq­ty joıý­ǵa baılanysty keshendi sharalar taıaý ýa­qytta júzege asýy tıistigin alǵa tart­ty. Sonymen qatar mektepter men ba­la­baq­shalardaǵy tárbıe sapasy, bilikti bas­shylardyń zamanaýı tárbıedegi róline qatysty basymdyqtar aıtyldy.

Elimizdegi pedagog kadrlardy daıar­laý­­daǵy kóshbasshy oqý ornyna arty­lar ja­ýapkershilik joǵary. Osy oraıda Abai University rektory Darhan Bilálov mek­tep dırektorlarynyń bilim sapasyn art­ty­rý­daǵy róliniń joǵary ekenin, sondaı-aq olardyń basqarý tetikterin ǵana emes, mektep túlekteriniń qoǵammen yqpaldastyǵy, tulǵa bolyp qalyptasýy, óz qalaýyna oraı mamandyq tańdaýy men keleshekte jumysqa ornalasýyna da yqpal etýi tıis eke­nin atap ótti.

Buǵan qosa D.Bilálov kadr tapshylyǵy, qalalyq jáne aýyldyq mektepterdegi bilim berýdegi alshaqtyqty joıý, pedagogterdiń mártebesi men olardyń biliktiligin arttyrý jobalarynyń, bilim berý baǵdarlamalaryn ázirleýde qaperge alatyn naqty máselelerdi atap ótti.

Búginde «Ýnıversıtet – mektep» jobasynda taraptar birlesip jumys isteýi shart. Osy oraıda negizgi úsh baǵyt boıyn­sha jumystar jolǵa qoıylǵan. Bul ba­ǵyttaǵy jumystarǵa joǵary kásibı me­nedjerlerdiń, talantty kóshbasshy bas­shy­lardyń kadrlyq rezervin qalyp­tas­ty­rý­, dýaldy jáne ınklıýzıvti bilim be­rýdi da­mytý qamtylady.

Kezdesý barysynda depýtat J.Súleı­me­nova aıtylǵan máselelerdi baqylaýǵa alýǵa ýáde etti. Elimizdegi mektepterdi bi­lik­ti kadrlarmen qamtamasyz etýde peda­go­gıkalyq mamandyqtar boıynsha oqı­tyn stýdentterge tereń bilim berý jáne ká­sibı daǵdylardy qalyptastyrý – jıi qoz­ǵalatyn másele. Osy oraıda álemniń kóptegen ýnıversıtetinde qoldanylyp júrgen, sondaı-aq bilim berý sapasyn arttyrý jáne joǵary kásibı muǵalimderdi daıar­laýdy jaqsartý boıynsha basqa da jo­ba­lardyń mańyzdylyǵy aıtyldy.

ALMATY