«Rýhanı jańǵyrý» qazaqstandyq qoǵamdyq damý ınstıtýty» KEAQ Basqarma tóraǵasynyń buıryǵymen Prezıdenttik jastar kadrlyq rezerviniń múshesi Azız Erjanuly Ysqaqov «Jastar» ǵylymı-zertteý ortalyǵy» JShS dırektory qyzmetine taǵaıyndaldy, dep habarlaıdy Egemen.kz.
Azız Ysqaqov «Aqparattyq júıeler» mamandyǵy boıynsha Serikbaev atyndaǵy Shyǵys Qazaqstan memlekettik tehnıkalyq ýnıversıtetinde, «Ekonomıka» mamandyǵy boıynsha Narhoz ýnıversıtetinde jáne «Jobalar men baǵdarlamalardy basqarý» mamandyǵy boıynsha Oral memlekettik ekonomıkalyq ýnıversıtetinde joǵary bilim alǵan.
Buǵan deıin Qazaqstan Institute of Social Studies-tiń atqarýshy dırektory qyzmetin atqarǵan. Sondaı-aq, ol Toraighyrov University jáne Pavlodar pedagogıkalyq ýnıversıteti dırektorlar keńesiniń múshesi bolǵan.
Ekonomıkalyq zertteýler ınstıtýtynda, Eýrazııalyq ıntegrasııa ınstıtýtynda, «Zerde» holdınginde jáne Qazaqstan Respýblıkasy Indýstrııa jáne ınfraqurylymdyq damý mınıstrliginde túrli taldamalyq jáne basshylyq laýazymda jumys istegen.
«Qazaqmys» korporasııasynyń jáne Qazaqstan teńge saraıynyń bólimshelerinde óndiristik jáne ákimshilik laýazymdardy atqarǵan.
Ár jyldary Eýropalyq qaıta qurý jáne damý bankiniń, «Atameken» ulttyq kásipkerler palatasynyń jáne basqa da qazaqstandyq jáne halyqaralyq uıymdardyń jobalarynda keńesshi, ulttyq sarapshy bolǵan.