Búgin, 31 naýryz kúni Bas prokýror Ashat Daýylbaevtyń tóraǵalyq etýimen vedomstvonyń kadr saıasaty máselesine baılanysty jıyn ótkizildi. Bul týraly Bas prokýratýranyń baspasóz qyzmeti habarlady.
Beınejeli arqyly ótkizilgen jıynǵa Bas prokýratýranyń quqyqtyq statıstıka jáne arnaıy esepke alý komıteti basqarma basshylary men aımaqtyq prokýratýra ókilderi qatysty.
Bas prokýror A. Daýylbaev atap ótkendeı, prokýratýra organdarynda isteıtin kadrlardyń iskerlik qabileti joǵary bolyp, adamgershilik qaǵıdatyna syna túsirmeýi tıis. Jıynda málim bolǵanyndaı, Memleket basshysynyń tapsyrmasy boıynsha eki baǵdarlamalyq qujat – «Quqyq qorǵaý organdarynyń kadr saıasaty tujyrymdamasy» men «Quqyq qorǵaý júıesin odan ári jańǵyrtýdyń 2014-2020 jyldarǵa arnalǵan memlekettik baǵdarlamasy» ázirlengen. Onda barlyq quqyq qorǵaý organdarynyń kadr saıasatyn kezeń-kezeńmen jetildirý kózdeldi.
Qazirgi kezde kadrlardy irikteý men ornalastyrýdyń, jas mamandardy úıretýdiń, qyzmetkerlerdiń biliktiligin arttyrý men olardy áleýmettik qorǵaýdyń, sapaly rezervti qalyptastyrýdyń, basshylardyń jaýapkershilikterin kúsheıtýdiń, jeke quram arasyndaǵy quqyq buzýshylyqtardyń aldyn alýdyń ózekti máseleleri kún tártibinde tur. Ol boıynsha quqyq qorǵaý organynyń abyroıyna nusqan keltirgen áreketterge shara qoldanylady.
Ámirhan Almaǵanbetov.
Derekkóz: Bas prokýratýranyń baspasóz qyzmeti.
Foto: www. Matritca.kz.