Ǵarysh keńistigin zertteý, salaǵa mamandar daıarlaý isi – ǵylymdaǵy basty baǵyttardyń biri. Al zamanaýı bilim berý úrdisin jańa tehnologııalarmen yqpaldastyrý – ǵarysh ǵylymyn ıgerýdegi biregeı múmkindik.
Irgeli jáne qoldanbaly zertteýlermen qatar jerdi qashyqtyqtan barlaý, ǵaryshtyq monıtorıng, geoaqparattyq modeldeý, ǵaryshtyq materıaltaný salalaryna qatysty kóptegen mańyzdy jobany júzege asyryp otyrǵan «Ulttyq ǵaryshtyq zertteýler men tehnologııalar ortalyǵy» AQ, sondaı-aq «Eurasian Spase Ventures» JShS jáne «Qazaqstandyq jobalardy basqarý ınstıtýty» ǵaryshtyq tehnıka jáne tehnologııalar salasynda Kazakhstan Smart Space halyqaralyq baıqaýyn jarııalady. El táýelsizdiginiń 30 jyldyǵy men adamzattyń ǵaryshqa ushqanyna 60 jyl tolýyna oraılastyrylǵan baıqaý ǵaryshtyq tehnıka jáne tehnologııalar salasynda ǵylymı shyǵarmashylyqty damytýdy maqsat etedi.
«Ulttyq ǵaryshtyq zertteýler men tehnologııalar ortalyǵy» AQ Basqarma tóraǵasy – tehnıka ǵylymdarynyń doktory, professor Marat Nurǵojın baıqaý shartymen tanystyra kelip, «Mamandarsyz ekonomıka da, ǵylym men bilim de damymaıdy. Sondyqtan da balalar men jastardyń bilimge, kásipke degen qyzyǵýshylyǵyn arttyra otyryp, óz salasynda jyldam mamandanýǵa múmkindik bere alamyz. Shyǵarmashylyq izdeniske, jańalyq ashýǵa degen umtylysyn qoldaý, talpynysy men talanttaryn júzege asyrýǵa yqpal etý de asa mańyzdy. Al jastardyń bilimge, ǵylymda, zamanaýı údesrister men ınnovasııada tabysqa jetýge tolyq múmkindigi bar», dep atap ótti.
Sonymen qatar elimizdiń ǵaryshty zertteýdegi jobalaryna toqtalyp ótip, adamzat úshin sheksiz keńistikti zertteýdiń ekonomıkany damytý, ekologııany jaqsartý baǵytyndaǵy múmkinshilikterine toqtaldy. Al oǵan elimizdiń ǵarysh salasynda júzege asqan baǵdarlamalar dálel bola alady. Al T.Áýbákirov, T.Musabaev, A.Aıymbetov syndy ǵaryshkerlerimizdiń ǵaryshty zertteý baǵdarlamalaryna qatysýy búginde óz nátıjesin berip keledi.
«Eurasian SpaseVentures» kompanııasynyń bas dırektory, Eýrazııalyq bank dırektorlar keńesiniń múshesi Shýhrat Ibragımov kez kelgen salanyń damýy bilikti mamandarǵa baılanysty ekenin atap ótti. Onyń aıtýynsha, kásibı mamandarmen ǵana bıznestiń bolashaǵyn boljaýǵa bolady. Tehnologııalyq úderis, ǵarysh ındýstrııasy qarqyn alǵan kezeńde bilikti mamandarǵa suranys arta túsýde. Búginde ǵaryshty zertteý jobalary kóptegen kompanııa úshin ekonomıkalyq turǵyda tıimdi. Al Qazaqstan jeriniń ǵaryshty zertteýdegi róli aıryqsha.
«Aeroǵaryshtyq tehnologııalardy damytý maqsatynda ESV ǵaryshtyq hab-ınkýbatoryna halyqaralyq startaptar shaqyrylýda. Búginde sıfrlandyrý qarqyn alyp, ǵarysh ındýstrııasy jyldam damyp keledi. Kazakhstan Smart Space baıqaýy ǵaryshty zertteýge baǵyttalǵan tyń jobalarǵa jol ashyp, Qazaqstannyń múmkindikterin álemge pash etetin bolady», dedi Sh.Ibragımov.
Qazaqstan jobalardy basqarý ınstıtýtynyń prezıdenti jáne Elite kadrlyq holdınginiń bas dırektory Oleg Parahın kóp jylǵy áriptestik jáne qazaqstandyq stýdentterdi qoldaýǵa baǵyttalǵan jobalardy iske asyrý, onyń ishinde mekteptegi jáne joǵary oqý ornyndaǵy tehnologııalyq kásipkerlik barysyna toqtaldy. Onyń aıtýynsha, elimizdiń jarqyn bolashaǵy jastardyń keleshegimen baılanysty, sondyqtan olardyń ómirdegi maqsatyn erte jastan anyqtaýǵa, talpynysyn qoldap, shyǵarmashylyq múmkindikterge jol ashýǵa qoldaý kórsetý kerek.
Baıqaýǵa 7-22 jas aralyǵyndaǵy mektep, kolledj, joǵary oqý oryndarynyń oqýshylary men stýdentteri, oqytýshylar, sondaı-aq ata-analar qatysa alady. Qazirgi kezde 50 oqý ornynan ótinimder qabyldanǵan. Olardyń ishinde qazaqstandyq komandalarmen qatar Qyrǵyzstan jáne Reseı elderiniń ókilderi bar. О́tinimder 15 naýryzǵa deıin qabyldanady. Al baıqaýdyń aqtyq kezeńi osy jyldyń 8-10 sáýiri aralyǵynda ótedi. Qatysýshylar taqyryptyq atalymdar tizimi jáne baıqaý sharttarymen www.kzsmart.space saıtynan tanysa alady. Baıqaýdyń jeńimpazdaryna dıplomdar, aqshalaı syılyqtar men sertıfıkattar beriledi.
ALMATY