Fransııalyq «PSJ» fýtbol klýbynyń basshylary komandanyń brazılııalyq shabýylshysy Neımardan qutylǵysy keledi, dep habarlaıdy Egemen.kz championat.com-ǵa silteme jasap.
Klýb basshylary oıǵa alǵan jobany jańasha qurýǵa nıettenip otyr. Sol úshin de komanda jetekshileri Neımardy komandadan alastatýǵa daıyn. Birinshiden, brazılııalyq fýtbolshynyń oıyny klýb qojaıyndarynyń kóńilinen shyqpaıdy. Ekinshiden, fýtbolshynyń túngi oıyn-saýyq keshterinen jıi tabylatyny da unamaıdy eken. Úshinshiden, komanda basshylaryna Neımardyń ákesiniń qarym-qatynasy jaqpaı qalǵan. Osy úsh faktor «PSJ» basshylarynyń júıkesine shı júgirtken. Sondaı-aq, eýrokýboktyq jarystarda brazılııalyq fýtbolshynyń oıdaǵydaı oıyn órnegin kórsete almaǵany da jyǵylǵanǵa judyryq bolyp tur.