Pavlodar oblysynda aýyl mańynda bolǵan jol-kólik oqıǵasy saldarynan kámeletke tolmaǵan jasóspirim kóz jumdy. Oqıǵaǵa qatysty qylmystyq is qozǵaldy, dep habarlaıdy Egemen.kz.
Aldyn ala málimet boıynsha, Lada-21214 avtokóliginiń júrgizýshisi kólikti basqara almaı, jol jıegindegi kıývetke aýdarylǵan. Jol apaty kezinde kólikte bolǵan kámeletke tolmaǵan jolaýshy aýyr jaraqat alyp, aýrýhanaǵa jetkizilgen. Alaıda dárigerler onyń ómirin saqtap qala almady.
Atalǵan derek boıynsha polısııa qylmystyq is tirkep, sotqa deıingi tergeýdi bastady. Qazirgi ýaqytta avtokólik mamandandyrylǵan aıyp turaǵyna qoıylǵan.
Shyǵys Qazaqstanda velosıpedshiler tobyn kólik qaǵyp ketti
Pavlodar oblystyq polısııa departamenti júrgizýshilerge jol qozǵalysy erejelerin qatań saqtap, qaýipsizdik talaptaryn nazardan tys qaldyrmaýǵa shaqyrdy.
Eske sala keteıik, buǵan deıin Astana qalasynda Toyota RAV4 kóliginiń júrgizýshisi jaıaý júrginshiler ótkelinde jasóspirimdi qaǵyp ketken edi. Keıinnen elordalyq polıseıler jol-kólik oqıǵasyna kináli júrgizýshiniń anyqtalǵanyn habarlady.