Ispanııada mamyr aıynda aptap ystyqtyń saldarynan 101 adam qaıtys boldy. Bul sońǵy onjyldyqta tirkelgen eń joǵary kórsetkish bolyp otyr, dep habarlaıdy Egemen.kz.
Eldiń Densaýlyq saqtaý mınıstrliginiń málimetinshe, bıylǵy mamyrdaǵy ólim-jitim deńgeıi sońǵy on jyldaǵy ortasha kórsetkishten 3,6 ese joǵary bolǵan. Bılik ókilderi muny jaz bastalmaı turyp qalyptasqan aptap ystyqpen baılanystyryp otyr.
Baǵalaý jumystary kún saıynǵy ólim-jitim kórsetkishterin tirkeıtin Momo monıtorıng júıesiniń derekteri negizinde júrgizilgen. Buǵan deıin Ispanııanyń Aemet ulttyq meteorologııalyq agenttigi eldiń birneshe qalasynda temperatýralyq rekordtar jańarǵanyn habarlaǵan edi.
Elimizde 34 gradýsqa deıin ystyq bolady
Aıta keteıik, 2025 jyldyń jazynda Ispanııadaǵy aptap ystyqtan 1060 adam kóz jumǵan bolatyn. Osyǵan baılanysty Ispanııa premer-mınıstri Pedro Sanches qoǵamdyq ǵımarattarda klımattyq baspanalardyń ulttyq jelisin qurý bastamasyn jarııalaǵan.
Sondaı-aq BUU jaqyn aptalarda El-Nıno klımattyq qubylysynyń qalyptasýy múmkin ekenin eskertken. Mamandar onyń qurǵaqshylyqqa, sý tasqyndary men orman órtterine ákelýi yqtımal ekenin aıtady.
Eske sala keteıik, buǵan deıin «Qazgıdromet» elimizdiń 4 óńirinde qurǵaqshylyq bolýy múmkin ekendigin málimdegen bolatyn.