Búgin Túrkimenstanda kezekten tys prezıdenttik saılaý bastaldy, 2 577 saılaý ýchaskesinde daýys berý prosesi Nur-Sultan ýaqytymen 20:00-ge deıin jalǵasady, dep habarlaıdy Egemen.kz RIA Novostı-ge silteme jasap.
Túrkimenstannyń shet elderdegi dıplomatııalyq jáne konsýldyq mekemeleriniń janynan ashylǵan 41 saılaý ýchaskesinde de daýys berilip jatyr.
Prezıdent laýazymynan toǵyz kandıdat úmitker. Túrkimenstannyń zańnamasynda saılaýshylardyń qatysý shegi belgilenbegen, sondyqtan saılaý kez-kelgen jaǵdaıda da ótti dep tanylady.
Alǵashqy tirkelgen kandıdat - qazirgi prezıdent Gýrbangýly Berdimuhamedovtyń uly.
Serdar Berdimuhamedov Túrkimenstan Demokratııalyq partııasy atynan saılaýǵa túsip jatyr. 2021 jyldyń 11 aqpanynan bastap 40 jastaǵy Serdar vıse premer-mınıstr qyzmetin atqaryp keledi.