QAZAQ AIR avıakompanııasy Reseıge reısterdi qaıta oryndaı bastaıdy, dep habarlaıdy Egemen.kz.
«QAZAQ AIR áýekompanııasy Reseıge josparlanǵan barlyq reıster 2022 jyldyń 13 naýryzynan bastap qaıta oryndala bastaıtynyn habarlaıdy. Bıletterdi brondaý www.flyqazaq.com saıty arqyly qoljetimdi.
2022 jyldyń 12 naýryzynda reısterdiń oryndalmaýyna qatysty ýaqytsha qolaısyzdyqtar úshin keshirim suraımyz. QAZAQ AIR avıakompanııasy qazaqstandyq jáne halyqaralyq standarttarǵa sáıkes ushýlar qaýipsizdigi boıynsha barlyq talapty saqtap otyr», - delingen kompanııa saıtynda.
Eske salaıyq, atalǵan kompanııa 12 naýryzǵa Reseıge josparlanǵan reısterdi iske asyrǵan joq. Onyń sebebi saqtandyrý ótelimine baılanysty.
«QAZAQ AIR avıakompanııasy saqtandyrý uıymynan Reseı terrıtorııasynda jáne onyń áýe keńistiginde saqtandyrý ótelimi júrgizilmeıtini týraly habarlama aldy. Atalǵan jaǵdaıǵa baılanysty avıakompanııa Reseı terrıtorııasy áýesinde saqtandyrý ótelimi týraly másele sheshimin tappaıynsha Reseıge avıareısterdi oryndaýǵa qaýqarsyz. Osy sebepti Novosıbırskige búgingi (12 naýryz) reıs oryndalmaıdy», - degen edi avıakompanııadan.