Germanııalyq «Borýssııanyń» norvegııalyq shabýylshysy Erlıng Hollandty qataryna qosqysy keletin ulybrıtanııalyq «Manchester Sıtı» fýtbol klýbynyń basshylary oıynshyǵa aptasyna 600 myń eýro jalaqy usynyp otyr, dep habarlaıdy Egemen.kz.
Bul týraly Daily Mail basylymy habar taratty. Jalpy fýtbolshyny Ispanııanyń «Real», «Barselona» fýtbol klýbtary da óz qatarlaryna qosýǵa úmittenip otyrǵany belgili. Qarsylastarynyń aldyn oraǵysy keletin «Manchester Sıtı» basshylary fýtbolshyny úlken jalaqy arqyly qyzyqtyrý «oıynyn» bastap ketti. Tipti buǵan deıin fýtbolshynyń «Manchester Sıtımen» kelisimge kelýge jaqyn ekeni týraly aqparat taraǵan bolatyn. Kezinde atalmysh komanda namysyn qorǵaǵan Erlıngtiń ákesi ulynyń da ulybrıtanııalyq klýb sapynda jarqyraǵanyn qalaıdy. Áıtkenmen Holland bastapqyda «Realǵa» aýysqysy keletinin aıtyp júrgen. Júregin tyńdaı ma, ákesin tyńdaı ma? Ol jaǵyn ýaqyt kórsete jatar.