Almatyda EDEN LIFE qarjy pıramıdasynyń qyzmeti toqtatyldy. Bul týraly QR Qarjy monıtorıngi agenttiginen habarlandy, dep jazady Egemen.kz.
«QR QMA Almaty boıynsha aýmaqtyq departamenti ınvestısııalar salasyndaǵy marketıngtik kompanııa retinde jasyrylǵan EDEN LIFE qarjy pıramıdasynyń qyzmetine toqtaý saldy. Uıymdastyrýshylar basqa salymshylardyń qarajatyn tartý arqyly paıda bolǵan tıimdi syıaqyny alýǵa kepildik bere otyryp, azamattarǵa ınvestısııalyq jobalarǵa aqsha salýdy usyndy», delingen vedomstvo habarlamasynda.
Vedomstvoda naqtylaǵandaı, sotqa deıingi tergeý qarjylyq pıramıdany, aldyn ala sóz baılasý boıynsha adamdar tobyn qurý jáne oǵan basshylyq etý faktisi boıynsha júrgizilýde.
Agenttik azamattardy qyraǵy bolýǵa jáne óz jınaqtaryn kúmándi qarjy uıymdaryna salmaýǵa shaqyrady.