Qytaıdyń ońtústiginde apatqa ushyraǵan ushaqtaǵy jolaýshylar arasynda Qazaqstan azamattary bolmaǵany anyqtaldy, dep habarlaıdy Egemen.kz.
«Aldyn ala málimet boıynsha atalǵan ushaqtaǵy jolaýshylar arasynda bizdiń eldiń adamattary bolmaǵan», delingen QR SIM málimetinde.
Eske sala ketsek, Qytaıdyń ońtústigindegi Gýansı-Chjýan avtonomııa aýdanynda China Eastern Airlines áýe kompanııasynyń Boeing 737 jolaýshylar ushaǵy apatqa ushyrady.
Qaıǵyly oqıǵa Qytaıdyń Gýansı-Chjýan avtonomııalyq aýdanyndaǵy bıik taýly aımaqtarda boldy.
Ushaq bortynda 132 adam, atap aıtqanda 123 jolaýshy jáne 9 ekıpaj múshesi bolǵan.
Aıta ketsek, Memleket basshysy Qasym-Jomart Toqaev QHR Tóraǵasy Sı Szınpınge kóńil aıtý jedelhatyn joldady.