QR Bilim jáne ǵylym mınıstrligi «Bolashaq» halyqaralyq stıpendııasyn taǵaıyndaý úshin qujattardy qabyldaý jáne konkýrs ótkizý merzimderin belgileıtin buıryq daıyndady, dep habarlaıdy Egemen.kz.
Bıyl konkýrsqa qatysý úshin úmitkerlerdiń qujattaryn qabyldaý 2 mamyrdan 7 qazanǵa deıin, Konkýrstyń ózin ótkizý 16 mamyrdan 30 qarashaǵa deıin belgilendi.
Budan basqa, qujatta 2022 jylǵa arnalǵan «Bolashaq» baǵdarlamasy boıynsha shetelde oqýǵa bolatyn mamandyqtar tizbesi usynylǵan.
Atap aıtqanda, oǵan mynalar kirdi:
Sandyq ekonomıka. Sandyq marketıng. Innovasııalyq menedjment. Tehnologııalar menedjmenti. Úlken derekterdi taldaý. Salalar boıynsha boljamdy taldaý. Aqparattyq (kıber) qaýipsizdik jáne krıptografııa. Kásipkerlik. Áleýmettik kásipkerlik. Robototehnıka. Medıatehnologııa. Sandyq medıa. Servıstik platformalardy ázirleý. Kórneki mazmundy jobalaý. Qarjylyq tehnologııalar jáne taǵy basqalar.Buıryq jobasy 7 sáýirge deıin Ashyq NQA saıtynda jarııa talqylaý úshin ornalastyrylǵan.