Naýryzdaǵy UBT kezinde talapkerlerdiń 65 paıyzy shekti baldy jınady, dep habarlaıdy Egemen.kz.
Bul týraly Ulttyq testileý ortalyǵynyń dırektory Rýslan Emelbaev Instagram paraqshasynda jazdy.
«Talapkerlerdiń 65%-y shekti ball jınady. Ortasha ball 65 baldy qurady, eń joǵary ball – 134. 28 qatysýshynyń nátıjesi 130 baldan asty. Testileýge qatysýǵa 105 myńǵa jýyq ótinish kelip tústi, onyń jartysynan kóbi UBT tapsyryp úlgerdi. 74,2%-y qazaq tilinde, 25,6%-y orys tilinde, 0,2%-y aǵylshyn tilinde testileýden ótti», dep jazdy ol.
Naýryz aıyndaǵy UBT-ǵa erekshe bilim berýdi qajet etetin 130 bala qatysty.
2022 jyldan bastap erekshe qajettilikteri bar túlekterge testileý tapsyrmalaryn oryndaý úshin negizgi 240 mınýttan bólek, taǵy qosymsha 40 mınýt ýaqyt beriledi.