2022 jyldyń 1 naýryzdaǵy jaǵdaı boıynsha, Memlekettik áleýmettik saqtandyrý qorynan jumysynan aıyrylǵan jaǵdaıda tólenetin áleýmettik tólemderdi 25,2 myń adam alady, bul rette 18,5 myń qazaqstandyqqa tólem osy jyly alǵash ret taǵaıyndaldy, dep habarlaıdy Egemen.kz.
Eńbek mınıstrliginde habarlaǵandaı, jumystan bosatylǵan qyzmetkerler mindetti áleýmettik saqtandyrý júıesine qatysý ótiline jáne sońǵy 24 aıdaǵy tabysyna baılanysty bir aıdan alty aıǵa deıin jumysynan aırylýy boıynsha áleýmettik tólemder alady.
Tólem joǵalǵan tabystyń 40%-na deıingi mólsherde MÁSQ qarajaty esebinen júzege asyrylady.
Jumystan bosatylǵan qyzmetkerge tólem taǵaıyndaý úshin:
egov.kz portalynda tirkelý kerek; «Jumysqa ornalastyrý jáne jumyspen qamtý» bóliminde «jumys izdep júrgen adamdardy tirkeý» qyzmetin tańdaý; Barlyq suraqtarǵa jaýap berip, qyzmetke onlaın tapsyrys berý jáne ESQ-men qol qoıý arqyly ótinimdi jiberý; Bir kún ishinde ótinish berýshiniń turǵylyqty jeri boıynsha jumyspen qamtý ortalyǵy bos jumys oryndaryn usynady; Eger jumys tabylmasa, úsh jumys kúni ishinde qashyqtyqtan jumyssyz mártebesi beriledi (qajet bolǵan jaǵdaıda qosymsha aqparat jınaý úshin ótinish berýshimen HJQO qyzmetkeri habarlasady).Bul qyzmetti onlaın-rejımde elektrondyq eńbek bırjasy arqyly da alýǵa bolady (enbek.kz).
Jumyssyz retinde tirkelgeni týraly derekter bolǵan kezde Eńbekmıniniń aqparattyq júıesi proaktıvti formatta MÁSQ-dan tólem taǵaıyndaý boıynsha qyzmet kórsetýge kelisim berý úshin uıaly telefonǵa SMS-habarlama jiberedi. Kelisken jaǵdaıda SMS-habarlamaǵa jaýap berý qajet. Tólem avtomatty túrde taǵaıyndalady.
Eńbek mınıstrliginde atap ótkendeı, MÁSQ qarajaty esebinen jumysynan aıyrylǵan jaǵdaıda tólenetin áleýmettik tólem jumystan shyǵý sebepterine qaramastan júzege asyrylady jáne jumyssyz adam jumys izdep júrgen kezeńde ony qoldaýǵa arnalǵan.