Aýyl sharýashylyǵy mınıstrligi aq qantty eksporttaýdyń keıbir máseleleri týraly Saýda mınıstrligimen birlesken buıryq jobasyn daıyndady, dep habarlaıdy Egemen.kz
«Qazaqstan Respýblıkasynyń aýmaǵynan aq qantty jáne qurǵaq shıki qantyn áketýge alty aı merzimge tyıym salý engizilsin», delingen qujatta.
Qujat 4 sáýirge deıin jarııa talqylaý úshin Ashyq NQA saıtynda ornalastyrylǵan.
Buǵan deıin habarlanǵandaı, Reseı 2022 jylǵy 31 tamyzǵa deıin qantty jáne shıki qantty EAEO-dan tys jerlerge áketýge tyıym salǵan. Bul tyıym Úshinshi elderge eksporttaýǵa qatysty qoldanylady.
Qazaqstannyń Saýda jáne ıntegrasııa mınıstrligi Qazaqstanda qant tapshylyǵy joq ekenin jáne eldegi qolda bar qorlar únemi tolyqtyrylyp otyratynyn habarlady. Alaıda, eldiń dúken sórelerinde qant ýaqytsha joǵalyp, keıin jańa baǵamen paıda bolǵan edi.